Ադրբեջանի զինուժը կրակ է բացել ռուսական սահմանապահ ուղեկալի ուղղությամբ
Ադրբեջանական զինված ուժերը կրակ են բացել Իրանի հետ սահմանին գտնվող ռուսական սահմանապահ ուղեկալի ուղղությամբ: WarGonzo նախագծին հայտնի է դարձել, որ դեպքը տեղի է ունեցել նախօրեին: Ուղեկալի տարածքում չորս ական է պայթել: Տուժածների մասին դեռևս տեղեկություններ չկան:
Հիշեցնենք, որ երեկ ՀՀ ՊՆ մամուլի խոսնակ Շուշան Ստեփանյանը ֆեյսբուքյան իր էջում տեղեկություն էր տեղադրել, որում ասվում էր.
«Այսօր առավոտյան, ժամը 10:00-10:15-ի սահմաններում, հերթական անգամ խախտելով հրադադարի ռեժիմը, ադրբեջանական կողմն անօդաչուներով (որոնցից մեկն ընկել է Հայաստանի տարածքում) և հրթիռահրետանային միջոցներով հրետակոծել է ՀՀ հարավային սահմանի Իրանի հետ հատման կետի հայկական սահմանապահ ուղեկալի դիրքերը, հաղորդում է Պաշտպանության նախարարության մամուլի քարտուղարը:
«Արձանագրելով հրադադարի ռեժիմի հերթական խախտումը և ՀՀ պետական սահմանի հրետակոծությունը, ՀՀ պաշտպանության նախարարությունը հայտարարում է, որ ստիպված է լինելու պատասխան հարվածներ հասցնել ադրբեջանական ուժերի ուղղությամբ»:
