Նոյեմբերի 3-ին, ժամը 01.20-ին, հիվանդանոցից ոստիկանության Մալաթիայի բաժին հաղորդում է ստացվել, որ «որովայնի շրջանի կտրած-ծակած վերք» ախտորոշմամբ իրենց մոտ բուժօգնության է տեղափոխվել 1979 թ. ծնված Արման Ս.-ն։

Նոյեմբերի 6-ին, ժամը 00.30-ին, ոստիկանության Երևան քաղաքի վարչության պարեկապահակետային ծառայության գնդի ծառայողները Երևանի Մոսկովյան փողոցից, ապօրինի թմրամիջոց պահելու և օգտագործելու կասկածանքով, ոստիկանության Կենտրոնականի բաժին բերման են ենթարկել 1964 թ. ծնված Ահարոն Մ.-ին:

Կրթության եւ գիտության նախարար Արմեն Աշոտյանը չի հավատում Եռյակի խոստացած թեժ աշնանը։ «Թեժ աշուն չի լինելու, որպեսզի ինչ-որ բան տաքացնես, թեժացնես, պետք է ավելցուկ էներգիա արտադրես։ Ես կարծում եմ՝ Եռյակի էլեկտրաէներգիան հազիվ հերիքում է իր ընթացիկ գործունեության համար, ուր մնաց ինչ- որ բան թեժացնելու կամ տաքացնելու»,- «Ա1+»-ի փոխանցմամբ՝ ասել է Արմեն Աշոտյանը։

Հեպատիտ C-ի բուժում սկսելուց առաջ անհրաժեշտ է մի շարք հետազոտություններ անել, քանի որ չի կարելի մեկ հակամարմին հայտնաբերելով եզրակացնել, որ հիվանդը հեպատիտ C ունի, եւ սկսել բուժել նրան: Նախեւառաջ, պետք է ստուգել հակամարմինների առկայությունը եւ հետազոտել վիրուսը՝ դրա գենոտիպը, քանակությունը:

Ռազմինֆոյի՝ բաց աղբյուրների տեղեկությունների վրա հիմնված մշտադիտարկման արդյունքների համաձայն, 2014-ի հոկտեմբերին Ադրբեջանի պաշտպանական և անվտանգության համակարգերում հայտարարվել է 1 զոհի մասին, վիրավորների մասին հաղորդագրություններ չեն եղել։

Նոյեմբերի 5-ին, ժամը 15.10-ին, ոստիկանության Կումայրիի բաժնի քրեական հետախուզության բաժանմունքի ծառայողները Գյումրի քաղաքի Գործարանային փողոցի հանրակացարաններից մեկի դիմաց գտնվող կիսակառույց շինությունից, թմրամիջոց պատրաստելու, պահելու և օգտագործելու կասկածանքով, բերման են ենթարկել 1990 թ. ծնված Նշան Յ.-ին։

Ջերմուկում նոյեմբերի 7-8-ը տեղի կունենա Գյուղական համայնքների ամենամյա ավանդական չորրորդ համաժողովը, որի նպատակը տեղական ինքնակառավարման համակարգի եւ գյուղական համայնքների ամենաարդիական խնդիրների քննարկումն է՝ ոլորտում ներգրավված բոլոր շահագրգիռ կողմերի մասնակցությամբ:

«Եթե Զապի մասին եք հարցնելու, ոչ մի մեկնաբանություն»,- ահա այսպիսի կտրուկ պատասխան ստացավ Armlur.am-ը օրերս Կենտրոն և Նորք-Մարաշ համայնքների ընդհանուր իրավասության դատարանի որոշմամբ կալանավորված հայազգի քրեական հեղինակություն Անդրանիկ Սողոյանի՝ «Զապի» պաշտպան Վահագն Մարտիրոսյանից:

Չի բացառվում, որ այս արտահերթ հավաքին քննարկեն Կառավարությունում կայացած վերջին փոխոխությունները, նախարարությունների միավորման հարցը: ԲՀԿ առաջնորդ Գագիկ Ծառուկյանի մամուլի խոսնակ Իվետա Տոնոյանը հաստատել է այս տեղեկությունները:

Մայոր Դանիելյանը նշանակվել է ԼՂՀ վերահսկիչ պալատի նախագահի տեղակալ
Նախագահ Բակո Սահակյանը նոյեմբերի 6-ին ստորագրել է հրամանագիր Մայոր Դանիելյանին ԼՂՀ վերահսկիչ պալատի նախագահի տեղակալ նշանակելու մասին:

Նոյեմբերի 6-ին, ժամը 09.14-ին տեղեկատվություն է ստացվել, որ հրդեհ է բռնկվել Շիրակի մարզի Ախուրյան գյուղի Հ.Դավթյան փողոցի թիվ 26 հասցեում գտնվող մանկապարտեզում:

Հայկական զինված ուժերը (ներառյալ Պաշտպանության բանակը) 2014 թվականի հոկտեմբերի 1-ից 31-ն ունեցել են 1 զոհ և 1 վիրավոր: Նախորդ տարվա նույն ժամանակահատվածի համեմատ զոհերի թիվը նվազել է 4-ով։

Ավտովթար Գյումրու Մուսայելյան փողոցում: «Ֆոլկսվագեն» մակնիշի մեքենան միանգամից 4 ավտոմեքենայի է բախվել՝ բոլորին պատճառելով նյութական վնաս և շարքից դուրս է եկել:

ՀՀ Նախագահ Սերժ Սարգսյանի հրամանագրով Արա Այվազյանն ազատվել է Ֆինլանդիայի Հանրապետությունում Հայաստանի Հանրապետության արտակարգ և լիազոր դեսպանի պարտականություններից:

«Վերջերս հերթական պաշտոնյան, ի պատասխան մեր քննադատության, տվեց «ավանդական» հարցը՝ «իսկ դու գիտե՞ս՝ ես ինչեր եմ արել էս ժողովրդի հմար»: Հենց որ որեւէ մեկը՝ նախկին կամ ներկա իշխանավորը, մեծահարուստը, մշակույթի գործիչը նման հարց է հնչեցնում՝ վերջ, նրա արածներն ինձ համար, համենայնդեպս, այլեւս կոպեկի գին չունեն: Որովհետեւ իրականում արվում էր ոչ թե «ժողովրդի հմար», այլ դրա մասին ասելու նպատակով: Դա նման է այն դեպքին, որն «Առավոտի» էջերում նկարագրել է ազգագրագետ Արմեն Պետրոսյանը. հայը գնում է սիրուհու մոտ (որին շատ ավելի կոպիտ բառով է անվանում) ոչ թե այն պատճառով, որ շատ է սիրում այդ կնոջը եւ շատ է ուզում նրան տեսնել, այլ բոլորովին ուրիշ նկատառումով՝ որպեսզի դրա մասին այնուհետեւ գլուխ գովի իր «ախպերության» մեջ»:

«Ես չեմ փակել, ես ինչ գործ ունեմ, ժողովուրդն ինձ զոռով ա բերել, եկան` ձեռներիցս բռնած բերեցին, ես էլ չեմ կարա իրանց կողքին չկանգնեմ»:

«Ժամանակին մատաղ սերունդը գոնե ձգտումներ ուներ՝ երգիչ էր ուզում դառնալ, աչքի առաջ ունենալով Ազնավուրին, դերասան էր ուզում դառնալ՝ աչքի առաջ ունենալով Հրաչյա Ներսիսյանին, Մհեր Մկրտչյանին, Սոս Սարգսյանին, Խորեն Աբրահամյանին ու մեր այլ մեծերի, տիեզերագնաց էր ուզում դառնալ, գիտնական էր ուզում դառնալ, վերջապես կարգին մարդ էր ուզում դառնալ՝ դարձյալ աչքի առաջ ունենալով մեր մեծություններին: Հիմա ամեն ինչ անում ենք, որ մեր երեխաները, մեր թոռներն արժեքային համակարգից զուրկ լինեն, չունենան այն չափանիշները, որոնց հասնելուն պետք է ձգտեն: Ուրեմն, ինչի՞ են ձգտելու նրանք, որո՞նք են լինելու նրանց արժեքները՝ թիկնապահնե՞րը, կաշառակերնե՞րը, անգրագետնե՞րը: Ժողովուրդ, ուշքի եկեք, քանի դեռ շատ ուշ չէ»,- ասում է Կարեն Կարապետյանը:

«Արմենիա» բժշկական կենտրոնի տնօրենի դեմ բողոքող բուժքրոջ և հանրությանը «ՀՀԿ տատիկ» անվամբ հայտնի կնոջ միջև վեճ է բռնկվել, որի արդյունքում վերջինս ընկել է գետնին։

«Ժողովորդ» թերթը գրում է. «ԲՀԿ առաջնորդ Գագիկ Ծառուկյանը վերջերս Դուբայում հանգստանալիս նաև քաղաքական հանդիպումներ է ունեցել:

Եթե զարգացումներն անկանխատեսելի հունով չընթանան, ապա ենթադրվում է, որ դրանից որոշ ժամանակ անց նաև կհայտարարեն, որ կողմերը համաձայնության են եկել. ՀՀԿ-ն կհրաժարվի ՀՀ կառավարման` նախագահական կարգը փոխելուց, բայց կհամաձայնի խորհրդարանի 100 տոկոս համամասնական տարբերակին, ըստ այդմ, կփոխվի նաև ընտրական օրենսգիրքը:

Նախօրեին Էջմիածնում տեղի են ունեցել Ամենայն Հայոց կաթողիկոս Գարեգին Բ-ի օծման 15-ամյակին նվիրված միջոցառումը։ Ինչպես պատմեցին «ՉԻ» աղբյուրները, դրանց մեկնարկից առաջ ուշագրավ դեպք է տեղի ունեցել։

Գյումրեցի օրենքով գող Անդրանիկ Սողոյանի (առավել հայտնի է Զապ մականունով) պաշտպան Վահագն Մարտիրոսյանը ՀՀ վերաքննիչ քրեական դատարան է բողոքարկել Կենտրոն և Նորք-Մարաշ վարչական շրջանների ընդհանուր իրավասության դատարանի որոշումը՝ Սողոյանին կալանավորելու մասին։

«Samsung»-ի հայաստանյան ներկայացուցչության գործարար հարաբերությունների զարգացման մասնագետ Ստեփան Ենոքյանը 168-ի հետ զրույցում ասաց, որ մասնագիտացված էլեկտրոնային լսարանը վերազինված է էլեկտրոնային սարքավորումներով՝ էլ. Գրատախտակ, նոթբուքեր, պլանշեթներ (Samsung LED LFD Display Touch Overlay Accessories` 75.4 անկյունագծով, 6 կետի ճանաչման հնարավորությամբ, 30 Galaxy Tab Tablet, 15 Notebook Core i5 Ռ.Մ.):

ՀՀ կառավարության այսօր կայանալիք նիստի օրակարգային հարցերից մեկը վերաբերում է Մոսկվայի տնտեսագիտության, վիճակագրության և ինֆորմատիկայի պետական համալսարանի Երևանի մասնաճյուղին մոտ կես հեկտար հողատարածք հատկացնելու նախագծին։

«Հայկական ժամանակի» ունեցած տեղեկությունների համաձայն վարկը տրամադրվել է Հայաստանի պետական էներգետիկ ընկերություններից մեկին, որն էլ որպես փոխառություն՝ փոխանցել է այն «Նաիրիտին»։

Ես մինչև 95 թվականը ապրել եմ այդ ինքնապաշտպանական տարածքներում, իսկ 95-ից հետո մինչև 2000 թվականը ընտանիքիս հետ ապրել եմ զորամասի տարածքում և Հայաստան եմ եկել 10-15 օրով, այն էլ տարվա մեջ 1 անգամ, իսկ էդ ժամանակ իմ գործն էլ էն էր, որ դրանց հանկարծ ոչ մեկ չվնասի, չնեղացնի: Որովհետև մենք հարյուրավոր գերիներ և դիակներ ունեինք իրենց մոտ ու մինչև այսօր էլ ունենք, մեր զոհված ընկերների դիակները պետք է փոխանակեինք և հանձնեինք հարազատներին:

«Մալաթիա» բժշկական կենտրոնում առանց ձեռքերի եւ ոտնաթաթի ծնված բալիկը այժմ գտնվում է «Սուրբ Աստվածամայր» բժշկական կենտրոնում:

ՀՀ ԱԻ նախարարությունը տեղեկացնում է, որ նոյեմբերի 6-ի ժամը 10.10-ի դրությամբ ՀՀ տարածքում բոլոր ավտոճանապարհները հիմնականում անցանելի են:

2014թ. հոկտեմբերի 3-ին`ժամը 14:00-ից մինչև 18:00-ն ընկած ժամանակահատվածում, առերեւույթ հանցագործություն կատարած անձը Երևան քաղաքի Հանրապետության 67 շենքի տարածքից հափշտակել է Վ.Ղռաթյանին պատկանող «Իդեալ» մակնիշի հեծանիվը՝ 240.000 դրամ արժողության:

Նոյեմբերի 6-ին, ժամը 07.24-ին տեղեկատվություն է ստացվել, որ Երևանի Արցախի պողոտա-Ռոստովյան փողոցի խաչմերուկում տեղի է ունեցել ՃՏՊ, կա մեկ տուժած. անհրաժեշտ է օգնություն: