Բախումներ՝ ոստիկանների և Նիկոլ Փաշինյանի ղեկավարած շարժման մասնակիցների միջև
Քիչ առաջ բախումներ տեղի ունեցան ոստիկանների և Նիկոլ Փաշինյանի ղեկավարած շարժման մասնակիցների միջև:
Նիկոլ Փաշինյանը Երևանի պետական բժշկական համալասարանի առջև հայտարարեց, որ ոստիկաններն իրենց ընկերներն են, բայց իրենք պետք է ճեղքեն ոստիկանական պատնեշը:
Դրանից հետո ակցիայի մասնակիցները Նիկոլ Փաշինյանի գլխավորությամբ ճեղքեցին ոստիկանական պատնեշը Կորյուն-Հերացի փողոցների խաչմերուկում:
Այնուհետև ոստիկաններիը պատնեշ կազմեցին Նալբանդյան փողոցում, սակայն ակցիայի մասնակիցներին հաջողվեց ճեղքել նաև այդ պատնեշը, և բախումներ տեղի ունեցան ոստիկանների և ակցիայի մասնակիցների միջև:
Դրանից հետո Նիկոլ Փաշինյանն ակցիայի մասնակիցներին կոչ արեց ծափահարել ոստիկաններին:
