Էդվարդ Նալբանդյանի ունեցվածքը. նա տարեցտարի հարստանում է. «Ժողովուրդ»
«Ժողովուրդ» թերթը գրում է. «ՀՀ արտաքին գործերի նախարարի պաշտոնակատար Էդվարդ Նալբանդյանին հաջողվում է տարեցտարի հարստանալ: Նալբանդյանը ներկայացրել է տարեկան հայտարարագիրը, որտեղից պարզ է դառնում, որ նրա դրամական միջոցները անցած տարեվերջին կազմել են 15 մլն 600 հազար դրամ եւ 70 հազար 700 եվրո:
Մինչդեռ կարմարթուշ Նալբանդյանը 2016 թվականին ունեցել է 12 մլն 140 հազար դրամ, 66 հազար 800 եվրո: Իսկ 2015-ին ԱԳ նախարարը հայտարարագրել էր, որ ունի 9 մլն 620 հազար դրամի, 63 հազար եվրոյի չափ դրամական միջոց:
Նշենք, որ որպես եկամուտ նա հայտարարագրել է իր ամսական աշխատավարձը, որը կազմում է մոտ 1 մլն դրամ: Թե ինչպես է հաջողվում Նալբանդյանին նման արագությամբ հարստանալ, դեռեւս հայտնի չէ:
Չնայած սրան՝ արտաքին քաղաքականության մեջ Հայաստանը շարունակում է ձախողումներ գրանցել»:
Ամբողջությամբ կարող եք կարդալ թերթի այսօրվա համարում:
