Ադրբեջանի ԱԳՆ-ը Հայոց ցեղասպանության վերաբերյալ Եվրոպական խորհրդարանի ընդունած բանաձևը որակել է որպես «կանխակալ և անլուրջ»
Ադրբեջանական APA լրատվական գործակալության փոխանցմամբ՝ Ադրբեջանի ԱԳՆ-ը մեկնաբանել է երեկ Հայոց ցեղասպանության վերաբերյալ Եվրոպական խորհրդարանի ընդունած բանաձևը: Ադրբեջանի ԱԳՆ-ի մամլո ծառայության ղեկավար Հիքմեթ Գաջիևն այդ բանաձևը որակել է որպես «կանխակալ և անլուրջ»:
Նրա խոսքերով՝ այդ բանաձևը «երկակի ստանդարտների վառ օրինակ» է: Գաջիևը հայտարարել է, որ եվրոպացի պատգամավորները բանաձևն ընդունել են՝ «գտնվելով» Հայաստանի ու Հայկական լոբբիի ազդեցության ներքո: Գաջիևը հավելել է, որ «Հայոց ցեղասպանություն» արտահայտության օգտագործումը «պատմությունը կեղծելու» և «քաղաքական նպատակներով այն շահարկելու» փորձ է:
