Օլանդը Մարգվելաշվիլուն հրավիրել է Ֆրանսիա
Грузия Online-ի փոխանցմամբ՝ Ֆրանսիայի նախագահ Ֆրանսուա Օլանդը Վրաստանի նախագահ Գեորգի Մարգվելաշվիլուն պաշտոնապես հրավիրել է այցելել Ֆրանսիա: Մարգվելաշվիլին Փարիզ կմեկնի հուլիսի 14-ին:
Մարգվելաշվիլին Ֆրանսիայում կմասնակցի Առաջին համաշխարհային պատերազմին նվիրված միջոցառումներին և այլ երկրների նախագահների ու վարչապետների հետ միասին ներկա կգտնվի զորահանդեսի:
Վրաստանի նախագահի աշխատակազմը հայտնել է, որ Մարգվելաշվիլին հանդիպելու է նաև Ֆրանսիայի վրացական համայնքի ներկայացուցիչների հետ:
