ԵՄ-ը ողջունում է Ուկրաինայում նաախագահական ընտրությունների անցկացումը

Ուկրաինական UNIAN լրատվական գործակալության փոխանցմամբ՝ ԵՄ-ը ողջունում է Ուկրաինայում նախագահական ընտրությունների անցկացումը և բոլոր ուկրաինացիներին կոչ է անում ընդունել այդ քվեարկության վերջնական արդյունքները:

Այս մասին նշված է ԵՄ-ի Խորհրդի նախագահ Հերման վան Ռոմպեյի ո Եվրահանձնաժողովի նախագահ Ժոզե Մանուել Բառոզուի տարածած համատեղ հայտարարությունում:

Դրանում ԵՄ-ը հույս է հայտնել սերտորեն համագործակցել Ուկրաինայի հաջորդ նախագահի հետ՝ նպատակ հետապնդելով Ուկրաինայում հաստատել քաղաքական ու տնտեսական կայունություն:

Ռոմպեյն ու Բառոզուն ուկրաինացիներին կոչ են արել քվեարկության արդյունքները ընդունել որպես երկրի համար նոր սկզբի հնարավորություն: