Իլհամ Ալիևը մեկնելու է Վիետնամ ու Չինաստան
Haqqin.az պորտալի փոխանցմամբ՝ Ադրբեջանի նախագահ Իլհամ Ալիևը մայիսի 21-ին մեկնելու է Չինաստան, ուր և մասնակցելու է Փոխադարձ համագործակցության հարցերով ասիական կոնֆերանսին: Մինչև Չինաստան այցելելը, Իլհամ Ալիևն այցելելու է Վիետնամ:
Վիետնամի Առևտրա-արդյունաբերական պալատի հաղորդմամբ՝ այցի ընթացքում Ադրբեջանի նախագահին ուղեկցելու է գրեթե 50 գործարար: Իլհամ Ալիևը մայիսի 19-ին մասնակցելու է Հանոյում Ադրբեջանի դեսպանատան բացման արարողակարգին: Ընդգծվում է, որ դա կլինի Իլհամ Ալիևի առաջին այցը Վիետնամ:
