Տիմոշենկոյի կյանքին վտանգ է սպառնում
Ուկրաինական UNIAN լրատվական գործակալության փոխանցմամբ՝ Ուկրաինայի նախագահի թեկնածու Յուլյա Տիմոշենկոյի մամլո քարտուղարը հայտարարել է, որ վտանգ է սպառնում երկրի նախկին վարչապետի (Տիմոշենկոյի) կյանքին:
Նրա խոսքերով՝ իրենց այդ մասին զգուշացրել են Պետական պահպանման աշխատակիցները, որոնք ապահովում են նախագահի թեկնածուների անվտանգությունը:
Չնայած դրան՝ Տիմոշենկոն չի փոխել այսօր Նիկոլաևի մարզ այցելելու իր պլանները, ուր հանդիպելու է մարզի ղեկավարության, ընտրողների, Ղրիմից եկած զինվորականների հետ, տալու է մամուլի ասուլիս:
Օրեր առաջ Տիմոշենկոն այցելել էր Օդեսա, ուր անկարգությունների հետևանքով զոհվել և տուժել էին տասնյակ անձինք:
