Ուկրաինան նոր նախագահ չի կարող ընտրել առանց սահմանադրական ուղղումների. Պուտին
Ռուսական РИА Новости լրատվական գործակալության փոխանցմամբ՝ Ռուսաստանի նախագահ Վլադիմիր Պուտինը երկրի բնակիչների հետ ուղիղ շփման ժամանակ հայտարարել է, որ Ուկրաինայի նոր ղեկավարը չի կարող ընտրվել առանց Սահմանադրության մեջ ուղղումներ անելու, քանի որ ներկա դրությամբ երկիրն ունի գործող նախագահ:
Պուտինը հայտարարել է, որ անկարելի է նոր նախագահ ընտրելը, եթե ողջ է գործող, իրավական առումով լիարժեք նախագահը, և եթե ուկրաինացիները ցանկանում են ընտրությունները լինեն լեգիտիմ, ապա նրանք պետք է փոխեն Սահմանադրությունը:
Պուտինի խոսքերով՝ Մոսկվան չի կարող ճանաչել առաջիկա ընտրությունների արդյունքները, եթե նախագահական մրցավազքն ուղեկցվի թեկնածուների վրա հարձակումների կատարմամբ, ինչպես որ ներկայումս է:
