Եվրախորհրդարանը ՌԴ-ի 32 քաղաքացու ընդգրկել է «Մագնիտսկու ցուցակում»
ZN.UA-ի փոխանցմամբ՝ Եվրախորհրդարանը հավանության է արժանացրել այն բանաձևի նախագիծը, որի համաձայն, Ռուսաստանի 32 քաղաքացի զրկվում է ԵՄ-ի երկրներ մուտքի վիզա ստանալու հնարավորությունից, իսկ նրանց եվրոպական ֆինանսական ակտիվները սառեցվելու են:
Այդ պատժամիջոցների տակ ընկած Ռուսաստանի քաղաքացիները իշխանական ներկայացուցիչներ ու մասնավոր անձինք են, որոնք մասնակից են Սերգեյ Մագնիտսկու գործին: Ընդգծվում է, որ Եվրախորհրդարանը նման կերպ ազդանշան է հասցեագրել Ռուսաստանի կառավարությանը: Այժմ հասցեագրված պատժամիջոցների մասին որոշում պետք է ընդունի ԵՄ-ի Խորհուրդը:
