Ճգնաժամը հաղթահարելու նպատակով Վրաստանը 680 տոննա վառելիք է մատակարարել Աբխազիային․ Կոբախիձե
Վրաստանի վարչապետ Իրակլի Կոբախիձեն հայտարարել է, որ երկրի տարածքից արդեն շուրջ 680 տոննա վառելիք է մատակարարվել Աբխազիա, հայտնում է «Գրուզիա-Online»-ը:
Նրա խոսքով՝ այս ծավալը լիովին բավարար է տարածաշրջանում վառելիքի սղության պատճառով առաջացած հումանիտար ճգնաժամը հաղթահարելու համար:
Կոբախիձեն տեղեկացրել է, որ առաջիկա օրերին նախատեսվում է լրացուցիչ խմբաքանակի ուղարկում, ինչը, նրա սպասմամբ, վերջնականապես կլուծի խնդիրը:
Նա նաև հերքել է ենթադրություններն այն մասին, թե վրացական մատակարարումները կարող են օգտագործվել Աբխազիայում տեղակայված ռուսական ռազմական ենթակառուցվածքները վառելիքով ապահովելու համար: Նրա գնահատմամբ՝ ուղարկված ծավալները չափազանց փոքր են, որպեսզի Ռուսաստանի համար որևէ էական նշանակություն ունենան:
«Ռազմաբազաները մշտական, ստացիոնար օբյեկտներ են և ունեն վառելիքի սեփական պաշարները», — ռուսական ռազմական կարիքների համար մատակարարումներն օգտագործելու ենթադրություններն անվանելով «բացարձակապես անլուրջ»։
