Ի՞նչ դիրքորոշում ունեն ընդդիմադիր խմբակցությունները՝ Աննա Հակոբյանի առաջարկի մասին
Քրեական օրենսգրքում փոփոխություններ կատարելու և ընտանեկան բռնությունը որպես առանձին հանցագործություն ճանաչելու գործընթացին հրավիրում եմ միանալ նաև ընդդիմադիր կին պատգամավորներին. այս մասին ֆեյսբուքյան իր էջում հայտարարել է Նիկոլ Փաշինյանի կինը՝ Աննա Հակոբյանը։
«Բնականաբար, իմ այս առաջարկը պետք է քննարկվի ընդդիմադիր երկու խմբակցությունների ղեկավարների հետ։ Այսպիսով՝ ես հանդիպման եմ հրավիրում «Ուժեղ Հայաստան» խմբակցության ղեկավար Նարեկ Կարապետյանին և «Հայաստան» խմբակցության ղեկավար Աննա Գրիգորյանին»,- նշել է նա։
168.am-ը նախ Աննա Գրիգորյանից փորձեց ճշգրտել նրա և խմբակցության դիրքորոշումը։
Ի պատասխան` «Հայաստան» խմբակցության ղեկավարը նշեց, որ հարցին կանդրադառնա վաղը` հրապարակային խոսքով։
«Ուժեղ Հայաստան» խմբակցությունից էլ խմբակցության քարտուղար Տիգրան Աբրահամյանը փոխանցեց. «Նման հանդիպում չենք պլանավորում»։
