Ռամզան Կադիրովը չի կասկածում, որ Դոկու Ումարովը սպանվել է
Ռուսական Интерфакс լրատվական գործակալության փոխանցմամբ՝ Չեչնիայի ղեկավար Ռամզան Կադիրովը չի կասկածում, որ զինյալների առաջնորդ Դոկու Ումարովը կնքել է իր մահկանացուն: Այս մասին նա գրել է Instagram սոցցանցում.
«Մենք ավելի վաղ հայտնել էինք, որ Ումարովը որևէ սպառնալիք չի ներկայացնում «Սոչիի օլիմպիական խաղեր 2014»-ի համար: Մենք նաև հայտարարել էինք, որ նրան կոչնչացնենք նախքան օլիմպիական խաղերի սկսվելը:
Իրականացված հատուկ գործողություններից մեկի ժամանակ Ումարովը վերացվել է, ինչի մասին ես հայտնել եմ նախկինում: Տվյալ տեղեկատվությունը հաստատում են իրենք՝ զինյալները: Է՞լ ինչ է անհրաժեշտ հատուկ ծառայությունների ու ԶԼՄ-ների համար, որպեսզի հավատան ահաբեկչի մահվանը»:
