Իսպանիայում երկաթուղային վթարի հետևանքով զոհվել է 77 մարդ (տեսանյութ)
France-Presse լրատվական գործակալության փոխանցմամբ՝ Իսպանիայի հյուսիս-արևմտյան հատվածում գրանցվել է երկաթուղային խոշոր վթար: Մարդատար գնացքը Սանտյագո դե Կոմպոստելա քաղաքի կայարանից ոչ հեռու ընկած վայրում դուրս է եկել ռելսերից:
Միջադեպը գրանցվել է երեկ, տեղական ժամանակով 20.42-ին: Ռելսերից դուրս գալու հետևանքով շրջվել են գնացքի բոլոր 13 վագոնները, իսկ նախավերջին վագոնը կործանվել է ամբողջովին: Ընդհանուր առմամբ, գնացքում գտնվել է 218 ուղևոր:
Վերջին տվյալներով՝ զոհվել է առնվազն 77 մարդ, վիրավորվել է 141 մարդ: 4 մարդ մահացել է հիվանդանոցում:
