ՌԴ-ից եկող ազդակները բավականին մտահոգիչ են, ցավոք, որոշ մասով դրանք իրագործվում են. Լևոն Քոչարյան
«Հայաստան» խմբակցության պատգամավոր Լևոն Քոչարյանը Նիկոլ Փաշինյանի մոտ միտում չի տեսնում՝ մեղմացնելու լարվածությունը հայ-ռուսական հարաբերություններում։
«Այն գործողությունները, այն խոսույթը, որը տարիներ շարունակ այս իշխանությունների կողմից կիրառվում է Ռուսաստանի հանդեպ, չենք համարում, թե դա բխում է ՀՀ քաղաքացու շահերից»,- լրագրողների հետ հանդիպմանն ասաց Քոչարյանը։
Նա նշեց, թե հայ-ռուսական հարաբերությունների սրումից տուժում է հասարակ քաղաքացին։
«Սա անթույլատրելի է ու անտրամաբանական, եթե կան խնդիրներ, դրանք պետք է պարզվեն, հարթվեն, իսկ Ռուսաստանից եկող ազդակները բավական մտահոգիչ են, բոլորը պետք է հետևություն անեն, եթե այսպես շարունակվի՝ շատ ավելի վատ է լինելու, պետք է հարաբերությունները փորձել վերադարձնել բարեկամական հունի վրա»,- հավելեց Լևոն Քոչարյանը։
