Խորհրդային գեներալ-գնդապետ Ստանիսլավ Պետրովին մահացած են գտել բնակարանում
Խորհրդային զորահրամանատար, գեներալ-գնդապետ Ստանիսլավ Պետրովը մահացել է Առափնյա տան իր բնակարանում՝ ծանր հիվանդությունից հետո. հայտնում է ТАСС -գործակալությունը՝ հղում անելով բժշկական ծառայությունների աղբյուրին:
«87-ամյա Ստանիսլավ Պետրովի մարմինը հայտնաբերել են Սերաֆիմովիչի փողոցում գտնվող բնակելի շենքում։ Վերջին շրջանում նա ծանր հիվանդ էր»,- ասել է գործակալության զրուցակիցը:
Պետրովը ԽՍՀՄ քիմիական պաշտպանության զորքերի հիմնադիրներից մեկն էր։ Նա այդ ստորաբաժանումներում ծառայում էր 1959 թվականից և մասնակցել է Չեռնոբիլի ԱԷԿ-ի վթարի հետևանքների վերացմանը։
Գեներալ-գնդապետը ԽՍՀՄ քիմիական պաշտպանության զորքերի վերջին հրամանատարն էր և Ռուսաստանի ռադիացիոն, քիմիական ու կենսաբանական պաշտպանության զորքերի առաջին պետը։ Պետրովն ուներ ռազմական գիտությունների դոկտորի կոչում, 1991 թվականին նրան Լենինյան մրցանակ էր շնորհվել։
