ՆԱՏՕ-ի կործանիչները ուսումնական թռիչքներ կիրականացնեն Էստոնիայում
ՆԱՏՕ-ի անդամ երկրների կործանիչները փետրվարի 16-ից 22-ը ուսումնական թռիչքներ կիրականացնեն Էստոնիայի օդային տարածքում: Այս մասին հաղորդում է էստոնական ERR հեռուստաալիքը։
Անցյալ շաբաթ ERR-ը հաղորդել էր փետրվարի 9-ից 15-ը տեղի ունեցած ուսումնական թռիչքների մասին։
«Փետրվարի 16-ից 22-ը դաշնակից երկրների կործանիչները կրկին մի շարք ուսումնական թռիչքներ կիրականացնեն Էստոնիայի օդային տարածքում, որոնցից մի քանիսը կիրականացվեն ցածր բարձրությունների վրա, բայց 152 մետրից ոչ ցածր»,- նշվում է ERR զեկույցում։
