Լավրովը հայտարարել է, որ Ռուսաստանը ցանկանում է շարունակել երկխոսությունը ԱՄՆ-ի հետ
Ռուսաստանը ցանկանում է պահպանել երկխոսությունը Միացյալ Նահանգների հետ։ Այս մասին հայտարարել է Ռուսաստանի արտաքին գործերի նախարար Սերգեյ Լավրովը Առաջին ալիքի «Большая игра» հաղորդմանը տված հարցազրույցում։
«Այո, մենք ցանկանում ենք պահպանել երկխոսությունը, որը հաստատվել է մեր նախագահների, մեր արտաքին քաղաքականության գերատեսչությունների ղեկավարների, երկու նախագահների ազգային անվտանգության հարցերով օգնականների և հատուկ ներկայացուցիչների միջև»,- ասել է նախարարը։
Լավրովի խոսքով՝ Մոսկվան նույն ցանկությունը տեսնում է նաև ամերիկյան կողմից։
