Թեման փակեք, ամոթ է. ԽՍՀՄ տարածքում ծնված էթնիկ ադրբեջանցիների մոտ 30 տոկոսը չի թլպատվել. Արմեն Բաղդասարյան
Քաղաքական վերլուծաբան Արմեն Բաղդասարյանը ֆեյսբուքյան իր էջում գրում է․
«Ամենևին կարիք չկա, որ Նիկոլ Փաշինյանը Կաթողիկոսին և նրա խոսնակին վիզուալ ապացույցներ ներկայացնի իր թլպատված չլինելու մասին։ Միանգամայն բավարար կլինի, եթե Աննա Հակոբյանը, ձեռքը Աստվածաշնչի կամ «Իմ քայլը» հիմնադրամի տարեկան հաշվետվության եկամտային մասի վրա դրած, երդվի, որ Նիկոլ Փաշինյանը թլպատված չէ։ Վստահաբար՝ հասարակությունը կհավատա։
Ինչ վերաբերում է հոգևորականի՝ Նիկոլ Փաշինյանի թլպատված լինելու վերաբերյալ ակնարկներին, ապա դա կատարյալ անհեթեթություն է։ Որովհետև ինչ-որ մեկի ծագումը պարզելու հարցում տվյալ անձի թլպատված լինել-չլինելը, ոսկեղենիկ հայերենով ասած, «ասնավանի չի»։ Բժշկական ուսումնասիրությունների համաձայն՝ խորհրդային տարիներին ԽՍՀՄ տարածքում ծնված էթնիկ ադրբեջանցիների մոտ 30 տոկոսը չի թլպատվել»։
