«Փող ուտելն» ինձ համար կարմիր գիծ է. Շենգավիթի թաղապետ
Յուրաքանչյուր քայլ, որն իրականացվում է օրենքի սահմաններից դուրս և համայնքի շահերին հակառակ, ինձ համար անընդունելի է։ Այս մասին իր ֆեյսբուքյան էջում գրել է Շենգավիթի թաղապետ Ռազմիկ Մկրտչյանը՝ անդրադառնալով թաղապետարանի աշխատակիցների ձերբակալությանը:
«Կաշառք վերցնելը, հանրային միջոցներ յուրացնելը՝ այսպես ասված «փող ուտելը», ինձ համար կարմիր գիծ է, որն անցնելը աններելի է և նշանակում է դավաճանել ժողովրդին:
Հաշվի առնելով անմեղության կանխավարկածը այս պահին կլռեմ»,- գրել է նա:
Հիշեցնենք՝ երեկ Շենգավիթի թաղապետարանում քննչական գործողություններ են իրականացվել Հակակոռուպցիոն կոմիտեում քննվող քրեական վարույթի շրջանակում։ ԱԱԾ աշխատակիցների հետ իրականացված համատեղ միջոցառումների արդյունքում կան ձերբակալված անձինք թաղապետարանից:
