Վլադիմիր Գասպարյանը կրկին Գյումրիում է
Այսօր՝ ապրիլի 30-ին, Հայաստանի ոստիկանության պետ, գեներալ-լեյտենանտ Վլադիմիր Գասպարյանը այցելել է Գյումրի:
Ինչպես հայտնում է shamshyan.com-ը՝ ՀՀ ոստիկանապետը ոստիկանության Գյումրիի բաժնում փակ խորհրդակցություն է անցկացրել, որին ներկա են ոստիկանության Շիրակի մարզային վարչության պետ Կարեն Բաբակեխյանը, ոստիկանության քննչական գլխավոր վարչության Շիրակի մարզի քննչական բաժնի պետ Ալբերտ Երիցյանը, Գյումրիի ոստիկանապետ Սարգիս Մարտիրոսյանը, ինչպես նաև ոստիկանության Շիրակի մարզային և Գյումրիի բաժնի պատասխանատուներ:
Սա Վլադիմիր Գասպարյանի երկրորդ այցն է Գյումրի՝ կապված Գյումրիում օրերս տեղի ունեցած Վարդանիկ Ղուկասյան-Մարտունիկ Գրիգորյան կլանների միջև տեղի ունեցած աղմկահարույց հանցագործությունների հետ:
