Քարաթափման վտանգ Լոռու մարզում
Ապրիլի 23-ին, ժամը 10.04-ին տեղեկություն է ստացվել, որ «Հարավկովկասյան երկաթուղիներ» ՓԲԸ-ի Փամբակ-Շահալի երկաթգծի հատվածում մոտակա ժայռից ժայռաբեկոր է կախվել. առկա է քարաթափման վտանգ:
Դեպքի վայր է մեկնել մարզային փրկարարական վարչության ՃԿԿ օպերատիվ խումբը:
Տեղում պարզվել է, որ ժամանակի ընթացքում ժայռաբեկորը թուլացել է, որի հետևանքով առաջացել է ընկնելու վտանգ:
Հրշեջ-փրկարարները վտանգ ներկայացնող ժայռաբեկորը և հարակից քարերը հեռացրել են:
