Մսագնդիկներ՝ տոմատի սոուսի մեջ

Բաղադրիչները՝

• 600 գ մսի խճողակի խառնուրդ՝ ձեր ճաշակով (տավարի, հավի, հնդուհավի, գառան ու խոզի)
• 2 ձու
• 200 գ չորահաց՝ առանց կեղևի
• 1 միջին չափի գլուխ սոխ
• 1 լիտր տրորած լոլիկ (տոմատի պյուրե)
• 100 մլ կաթ
• 1-2 պճեղ սխտոր
• 2 ճյուղ մաղադանոս
• 1 կույտ քերած պարմեզան պանիր
• 3 ճ/գ ձիթապտղի ձեթ
• աղ

Պատրաստման եղանակը

Չորահացը փշրեք, կաթը լցրեք վրան, 10 րոպե թողեք կաթի մեջ:

Սխտորը մանրացրեք, մաղադանոսի տերևները մանր կտրատեք ու ձվի, պարմեզան պանրի հետ լցրեք մսի խճողակի վրա: Հացը հանեք կաթի միջից, քամեք, ավելացրեք խճողակին և ինչպես հարկն է՝ հունցեք:

Ձեռքերն անընդհատ տաք ջրի մեջ մտցնելով՝ մսի խճողակից ընկույզի մեծության գնդիկներ պատրաստեք:

Մաքրեք ու մանր կտրատեք սոխը և ձիթապտղի ձեթով տապակեք մինչև փափկելը: Ավելացրեք տրորած լոլիկն ու կես բաժակ ջուր:

Երբ սոուսը պնդանա, ավելացրեք մսագնդիկները, կրակն ուժեղացրեք, կափարիչը փակեք ու 45-60 րոպե շոգեխաշեք՝ անընդհատ հետևելով, որ դրանք չվառվեն ու կաթսայի հատակին չկպչեն: