#ՀԻՄԱ. Գառնիկ Իսագուլյանի գործով դատական նիստը՝ #ՈւՂԻՂ
Այսօր Երևան քաղաքի ընդհանուր իրավասության դատարանի Ավան նստավայյրում շարունակվում է Գառնիկ Իսագուլյանի գործով դատական նիստը: Վերջինս մեղադրվում է կեղծ տեղեկություններ տարածելու, 3 դրվագում սուտ մատնություն կատարելու համար, որոնք զուգորդվել են անձանց առանձնապես ծանր հանցագործությունների մեջ մեղադրելով, ինչպես նաև կատարել է Նիկոլ Փաշինյանի նկատմամբ բռնություն կատարելու կոչեր:
Այս գործն առավել հայտնի է «48 միլիոն ադրբեջանական փողերով հեղափոխության», «Սամվել Բաբայանի», «կեղծ անձնագրերի» դրվագ անվանումներով:
Գառնիկ Իսագուլյանը դատական նիստից առաջ լրագրողների հետ զրույցում ասաց՝ գորը քննվում է 4 տարի, և հենց հասնում են այն մարդկանց դատակոչի փուլին, ում նկատմամբ ինքն իբր սուտ մատնություն է կատարել, գործը քննող դատավորին պաշտոնի բարձրացում են տալիս, և հաջորդ դատավորը քննությունը սկսում է նորից:
Վերջինիս պաշտպան Աննա Ծառուկյանն էլ նկատեց՝ այդ մարդիկ անպայման հարցաքննվելու են, իսկ նույն գործով քրեական, վարչական և քաղաքացիական վարույթները խոսում են այն մասին, որ գործ ունենք Կոնվենցիայի խախտման հետ:
Մանրամասները՝ տեսանյութում:
