Առնվազն 5 երեխա է զոհվել Ադրբեջանի հարձակման հետևանքով. Բեգլարյան
Արցախում Ադրբեջանի լայնամասշտաբ հարձակման հետևանքով առնվազն 5 երեխա է զոհվել։ X–ի իր միկրոբլոգում տեղեկությունը հրապարակել է Արցախի նախկին պետնախարար, նախկին ՄԻՊ Արտակ Բեգլարյանը։ Նրա տեղեկություններով` ևս 13 երեխա վիրավոր է։
Բեգլարյանը տեսանյութ է հրապարակել, որում զրուցում է ադրբեջանական հարձակումից տուժած 7-ամյա Ռուզան Հայրապետյանի հետ։
Փոքրիկ աղջնակը վնասվածքներ է ստացել ոտքերի շրջանում, սակայն, բարեբախտաբար, դրանք լուրջ չեն։ Ռուզանից բացի վիրավորվել են նաև նրա քույրն ու եղբայրը։
Բեգլարյանը հայտնում է, որ երեխաները վիրավորվել են Սառնաղբյուր գյուղում։
Նրա տեղեկություններով` զոհված երկու երեխաների ծնողները չեն կարողանում գտնել իրենց երեխաների մարմինները։ Նրանց եղբայրը ևս վիրավոր է և բուժում է ստանում մանկական հիվանդանոցում։
The video story of 7-year-old Ruzan Hayrapetyan injured by Azerbaijani shelling in Sarnaghbyur. My interviews with some injured children & their relatives discovered new cases. At least 5 children have been killed & 13 wounded.#StopArmenianGenocide2023 pic.twitter.com/TgHTcxqAzs
— Artak Beglaryan | #StopArtsakhGenocide (@Artak_Beglaryan) September 20, 2023
