Բժիշկը հերքել է շաքարային դիաբետի մասին գլխավոր միֆը
Գաստրոէնտերոլոգ Եկատերինա Կաշուխն ասել է, որ շաքարային դիաբետով տառապողները կարիք չունեն ամբողջությամբ հրաժարվել քաղցրավենիքից։ Մասնագետի խոսքով՝ պետք է պարզապես կարգավորել սննդակարգը և այն ավելի առողջ դարձնել։
«Պետք չէ ամբողջությամբ հրաժարվել ձեր սիրած աղանդերից, սակայն կարևոր է սահմանափակել դրանց օգտագործումը, ինչպես նաև շաքարավազն ընդհանրապես։ «Արագ» ածխաջրեր պարունակող ուտեստների փոխարեն բժիշկները խորհուրդ են տալիս ուտել այնպիսի մթերքներ, որոնցում ածխաջրերը դանդաղ են քայքայվում։ Օրինակ՝ հացահատիկային մակարոնեղեն, շագանակագույն բրինձ»,- shantnews-ի փոխանցմամբ՝ խորհուրդ է տալիս մասնագետը։
Բժիշկը նշել է, որ ցանկացած տեսակի շաքարախտի դեպքում արգելված մթերքներ չկան։ Այնուամենայնիվ, անհրաժեշտ է ճիշտ կազմել դիետա՝ հաշվի առնելով արյան մեջ շաքարի մակարդակը և հիվանդության ծանրությունը։
