Հայաստանում մեկ շաբաթում գրանցվել է Covid-19-ի 155 դեպք
![](https://168.am/wp-content/uploads/2021/06/koronavirus_kisitlama_kalabalik_1476702_2.jpg)
Հայաստանի Հանրապետությունում հոկտեմբերի 31-ից նոյեմբերի 6-ն ընկած ժամանակահատվածում կատարվել է 1839 թեստավորում, գրանցվել է կորոնավիրուսային հիվանդության 155 դեպք:
ՀՀ առողջապահության նախարարությունը տեղեկացնում է, որ նշված ժամանակահատվածում մահվան դեպք չի գրանցվել:
Վերջին 7 օրվա ընթացքում առողջացածների թիվը կազմում է 153, ներկայում բուժում է ստանում 375 քաղաքացի:
Հայաստանում, ընդհանուր առմամբ, համավարակի ժամանակահատվածում կատարվել է 3 մլն 230 հազար 307 թեստավորում, հաստատվել է կորոնավիրուսային հիվանդության 445 հազար 397 դեպք:
Առողջացածների ընդհանուր թիվը կազմում է 434 հազար 441, մահացել է 8 հազար 709 քաղաքացի: