Մահացել է Պենտագոնի նախկին ղեկավար Էշթոն Քարթերը
68 տարեկան հասակում մահացել է Պենտագոնի նախկին ղեկավար Էշթոն Քարթերը, ով գերատեսչությունը ղեկավարել է 2015-2017 թվականներին: Այս մասին հոկտեմբերի 25-ին հայտարարություն է տարածել նրա նախկին ներկայացուցիչ Փիթեր Կուկը:
«Խոր վշտով տեղեկացանք պաշտպանության նախկին նախարար Էշթոն Քարթերի ընտանիքից, որ նա մահացել է հոկտեմբերի 25-ի գիշերը Բոստոնում՝ 68 տարեկան հասակում հանկարծակի սրտի կաթվածի հետևանքով»,- ասված է հաղորդագրությունում։
