«ՀՀ հասարակությունը ցույց տվեց միահամուռ վստահություն և աջակցություն իր լեգիտիմ կառավարությանը և Զինված ուժեին». Փաշինյան
Կառավարության այսօրվա նիստը բացեց վարչապետ Նիկոլ Փաշինյանը հուլիսի 12-ին Ադրբեջանի կողմից Տավուշի ուղղությամբ սանձազերծած ռազմական ագրեսիայի մասին գնահատողական իր ելույթով։
Նիկոլ Փաշինյանը բարձր գնահատելով բանակի մարտունակությունն ու իրականացրած գործողությունները՝ ընդգծեց նաև հասարակության դերը:
«Կարևոր եմ համարում նաև այն, որ ՀՀ հասարակությունը ցույց տվեց միահամուռ աջակցություն և վստահություն իր լեգիտիմ Կառավարությանը և Զինված ուժերին։ Ուզում եմ նաև ընդգծել սփյուռքի մեր հայրենակիցների միասնությունը՝ Հայաստանին իրենց օգնելու նվիրումը, խոհեմությունը և սթափությունը։ Սփյուռքի մեր հայրենակիցներն այս օրերին ևս մեկ անգամ ի ցույց դրեցին, որ մենք մեկ ամբողջություն ենք, մեկ ընտանիք, մեկ ոգի և մեկ ինքնություն»,- շեշտեց Նիկոլ Փաշինյանը։
