Ջրվեժ գյուղի տներից մեկի տանիքը քամու հետևանքով պոկվել է
Հունիսի 11-ին, ժամը 18։03-ին Ճգնաժամային կառավարման ազգային կենտրոն ահազանգ է ստացվել, որ Ջրվեժ գյուղի 34-րդ փողոցի տներից մեկի տանիքը քամու հետևանքով պոկվել է։
Դեպքի վայր է մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ տան բակում գտնվող զրուցարան-տաղավարի մետաղյա տանիքն ամբողջությամբ (մոտ 40 քմ) պոկվել և ընկել է արտաքին լուսավորման սյան լարերի վրա. տեղի է ունեցել կարճ միացում՝ առանց հրդեհի բռնկման:
Փրկարարները հեռացրել են տանիքը։
