Քաբուլում առնվազն հինգ մարդ է զոհվել ահաբեկչի իրականացրած պայթյունից
Աֆղանստանի մայրաքաղաք Քաբուլում առնվազն հինգ մարդ է զոհվել, եւս 11-ը՝ տուժել համալսարանի շենքի մերձակայքում իրականացված պայթյունի հետեւանքով: Այդ մասին հայտնել է 1TV հեռուստաալիքը՝ վկայակոչելով աղբյուրներ։
Ավելի վաղ հաղորդվել է, որ պայթյունը տեղի է ունեցել մարշալ Ֆահիմի անվան Ազգային պաշտպանության համալսարանի գլխավոր մուտքի մոտ: Աֆղանստանի ՆԳ նախարարության պաշտոնական ներկայացուցիչ Նուսրաթ Ռահիմին հայտարարել է, որ պայթյունն իրականացրել է մահապարտ ահաբեկիչը: Հեռուստաալիքի տվյալներով՝ զոհվածներից երեքն աֆղան զինծառայողներ են, երկուսը՝ խաղաղ բնակիչներ: 11 տուժածներից առնվազն մեկը նույնպես քաղաքացիական անձ է, հաղորդել է ՌԻԱ Նովոստին:
