Ավստրալիայում 3 հազար զինվորական կներգրավվի անտառային հրդեհների մարման գործում
Ավստրալիայի վարչապետ Սքոթ Մորիսոնը հայտարարել է, որ մինչև 3 հազար զինվորականներ իրենց մասնակցությունը կունենան երկրում բռնկված լայնածավալ հրդեհների մարման աշխատանքներում: Այս մասին տեղեկացնում է «Weekend Australian»-ը: Մեկ այլ տեղական լրատվամիջոց, «Sydney Morning Herald»-ը մեջբերում է երկրի պաշտպանության նախարար Լինդա Ռեյնոլդսի խոսքերն այն մասին, որ կառավարությունը գնում է աննախադեպ քալերի:
«Իրականում, որքան հիշում եմ, սա առաջին անգամ է, երբ պահուստային ուժերը նման աշխատանքների համար են ուղղորդվում: Ես կարծում եմ, որ նման բան մեր երկրի պատմության մեջ առաջին անգամ է կատարվում»,-ասել է Ռեյնոլդսը:
