Կենդանակերպի ո՞ր զույգերն ունեն ամենաամուր հարաբերությունները
Խոյ
Խոյերը բնածին առաջնորդներ են։ Նրանք բավականին ագրեսիվ անձնավորություններ են, ովքեր չեն վախենում ցանկալիին հասնել։ Կշեռքները, ընդհակառակը, ավելի հանգիստ, բարեհամբույր ու հաճելի մարդիկ են, որոնք միշտ աշխատում են բո։լրին շուրջբոլորը գոհացնել։ Սերն այս զույգի մոտ շատ դինամիկ բնույթ ունի։
Կշեռքները պատրաստ են ցանկացած պահի ենթարկվել Խոյի վերահսկողությանը։ Կենդանակերպի այս երկու նշանների միջև հարաբերությունները կատարյալ օրինակ են այն բանի, թե ինչպես է պետք տալ ու փոխարենը ստանալ։ Նրանք իսկապես լավ են լրացնում միմյանց, ինչը խոսում է նրանց համատեղելիության մասին։ Բացի դրանից, Խոյն ու Կշեռքները գերազանց են գլուխ հանում կարգավորված աշխատանքից։
Ցուլ
Ասում են, թե հակառակ բևեռները ձգում են միմյանց, և հաճախ հենց այդպես էլ լինում է։ Սակայն դա ոչ միշտ է դառնում հաջողակ հարաբերությունների կատարյալ բանաձև։ Օրինակ, Ցուլն ու Կույսն իսկապես լավ զույգ են կազմում, չնայած իրենց բնավորությունների նմանությանը։ Երկու նշանների ներկայացուցիչներն էլ միատեսակ ագրեսիվ ու կրքոտ են այն ամենում, ինչ վերաբերում է իրենց համոզմունքներին։
Նրանց դուր է գալիս զգալ ոտքերի տակի հողը։ Այո, երբեմն այս մարդիկ կարող են հաճախակի վիճել, բայց դա շատ նորմալ է։ Բանն այն է, որ նրանք կարողանում են սփոփանք գտնել իրենց զուգընկերոջ հուսալիության ու հավատարմության մեջ։
Երկվորյակներ
Եվս մեկ դեպք, երբ բնավորության նման գծեր ունեցող Կենդանակերպի նշանները ընդհանուր լեզու գտնելու եղանակ են գտնում։ Եվ Երկվորյակները, և Աղեղնավորները նման են այն բանում, որ երկուսն էլ մութ, անհասկանալի անձնավորություններ են։ Նրանք տենչում են բազմազանություն, տանել չեն կարողանում առօրյա ձանձրալի կենցաղը ու կանխատեսելիությունը։
Երկվորյակի նշանի տակ ծնված մարդիկ միշտ կգտնեն գոյատևելու և աճելու ու զարգանալու եղանակը։ Աղեղնավորն իր հերթին՝ ի ծնե փնտրող է, ում դուր են գալիս գլխապտույտ արկածները, որոնք նպաստում են իրենց հոգևոր հարստացմանն ու բավարարում են նրանց հետաքրքրասիրությունը։ Կենդանակերպի այս երկու նշանների միությունն իրենից ներկայացնում է հետաքրքիր ու գրավիչ սիրո պատմություն։
Խեցգետին
Իրենց բնույթով Խեցգետինները շատ հոգատար են։ Նրանք զգայուն հոգի ունեն, իսկ սիրտը լցված է սիրով։ Նրանք միշտ պատրաստ են ծառայել իրենց մտերիմներին, բաց են իրենց զգացմունքների մեջ ու տենչում են գտնել ուժեղ բնավորություն ունեցող զուգընկերոջ։ Իսկ Ցուլը հենց այդպիսին էլ հանդիսանում է։ Բոլոր Ցուլերը շատ ուժեղ մարդիկ են, ովքեր ունակ են բավարարել Խեցգետինների էմոցիոնալ պահանջմունքներն ու սպասումները։ Այդպիսի մարդիկ չեն թաքցնում իրենց սերն ու կապվածությունը։ Բացի դրանից, նրանք հավատարիմ ու հուսալի անձնավորություններ են, դրա համար էլ գերազանց կերպով հարմար են Խեցգետնին՝ նրա փխրուն ու զգայուն սրտով։
Առյուծ
Խոյերն ինքնավստահ անձնավորություններ են, որոնց կյանքում միշտ կարելի է գտնել մի քանի մարդկանց, ովքեր տենչում են նրանց հետ ռոմանտիկ հարաբերություններ ունենալ։ Սակայն Առյուծների ինքնահավանությունն ու իրենց անձի վրա կենտրոնացվածությունն անհնարին է դարձնում տևական հարաբերությունների հաստատումը։ Եվ այստեղ բեմի վրա հայտնվում է Խոյը։ Սա Կենդանակերպի շատ կրքոտ նշան է, և դրա համար էլ հիանալի հարմար է Առյուծին։ Բացի դրանից, Խոյը չի ամաչում իր զգացմունքներն արտահայտել, այն դեպքում, երբ պահանջկոտ Առյուծը միշտ ձգտում է իր զուգընկերոջից ստանալ նրա սիրո էմոցիոնալ ապացույցը։
Կույս
Կույսը պերֆեկցիոնիստ նշան է իր աշխարհընկալումներում։ Նրանք սիրում են ճշգրտություն և կարգապահություն ու սիրում են ամբողջովին վերահսկել հանգամանքները։ Ճակատագրի հեգնանքով՝ կույսը գերազանց զուգընկեր է Կարիճի համար։
Այս համաստեղությունների տակ ծնված մարդիկ էմոցիոնալ ուժեղ անձնավորություններ են։ Կույսերի կազմակերպվածությունը գերազանց գործիք է Կարիճների բնավորության անկանխատեսելիությունը զսպելու համար։ Դա կատարյալ օրինակ է այն իրավիճակի, երբ հակառակ բևեռներն իսկապես ձգում են միմյանց։
Այծեղջյուր
Այծեղջյուրներն ամենակազմակերպված և աշխատասեր մարդկանցից են, որոնց դուք երբևէ կարող եք հանդիպած լինել։ Հենց Այծեղջյուրների հուսալիությունն է նրան կատարյալ զուգընկեր դարձնում Կույսի համար։ Այս երկու համաստեղությունները միատեսակ լրջությամբ են վերաբերվում ռոմանտիկ հարաբերություններին ու կյանքին ընդհանուր առմամբ։
Նրանց հավասարակշռվածության շնորհիվ միասին իրենք ամեն ինչի կկարողանան հասնել։ Այծեղջյուրն ու Կույսը գերազանց են լուծում խնդիրները ու դժվար թե երբևէ ցանկանան բաժանվել։ Նրանք հուսալի են ու միշտ հսկայական ազդեցություն են գործում նույնիսկ ամենաաննշան բաների վրա։
Նյութը հրապարակման պատրաստեց 168.am-ը
