Եվրասիական ինտեգրացման ծրագիրն ապացուցել է իր արդյունավետությունը. Պուտին
Եվրասիական ինտեգրացման ծրագիրը լիովին ապացուցել է իր արդյունավետությունը: Այդ մասին, ինչպես հաղորդել է ՏԱՍՍ-ը, ընդգծել է Ռուսաստանի նախագահ Վլադիմիր Պուտինը «Գաղափարից իրականություն. Նուրսուլթան Նազարբաեւի եվրասիական նախաձեռնության 25-ամյակի առթիվ» միջազգային խորհրդաժողովի մասնակիցներին հղած ուղերձում։ Ուղերձի տեքստն ընթերցել է ՌԴ նախագահի Արտասահմանյան երկրների հետ միջտարածաշրջանային եւ մշակութային կապերի վարչության պետ Վլադիմիր Չեռնովը:
«Եվրասիական ինտեգրացման ծրագիրը լիովին ապացուցել է իր արդյունավետությունը: ԵԱՏՄ-ի անդամ երկրներն ավելացնում են առեւտրատնտեսական, ներդրումային եւ հումանիտար կապերը»,- նշել է Պուտինը:
Ռուսաստանի նախագահը վստահություն է հայտնել, որ խորհրդաժողովի ընթացքում կմշակվեն առաջարկություններ եւ նախաձեռնություններ, որոնք կծառայեն եվրասիական ինտեգրացման հետագա ամրապնդմանը:
