Football Leaks-ի նոր բացահայտումը  «Մանչեսթեր Սիթիի» մասին

«Մանչեսթեր Սիթին»  խաբել է Անգլիայի ֆուտբոլային ասոցիացիային, հաղորդում է Der Spiegel-ը` հիմնվելով Football Leaks-ի արտահոսքի վրա:

Տեղեկացվում է, որ «Սիթին»  օգտագործում է Կայմանյան կղզիներում գրանցված ֆոնդը՝ երրորդ անձանց կողմից խաղացողների իրավունքները ձեռք բերելու համար: Դա արգելվում է Անգլիայում:

«Մանչեսթեր Սիթիի» տնօրենների խորհրդի նախագահ Ֆերնան Սորիանոն կատալոնացի Մարկ Ինգլայի հետ 2012 թվականին գրանցել է Mangrove կոնվենցիական ընկերությունը Լյուքսեմբուրգում: Ինգլան և Սորիանոն 90-ականներին միասին աշխատել են կատալոնական «Բարսելոնայում»:

Տասը տարիների ընթացքում նրանք նախատեսում էին 30 միլիոն եվրո ներդնել Լատինական Ամերիկայից 70 ֆուտբոլիստների իրավունքների ձեռքբերման մեջ: Գործակալներն ուղղորդվել և ֆինանսական աջակցություն ստացել են «Մանչեսթեր Սիթիից»:

Միևնույն ժամանակ, ակումբի նախագահ Խալդուն ալ-Մուբարաքը հիմնադրել է  MPI հիմնադրամը Կայմանյան կղզիներում: Դրանց միջոցով, մասնավորապես, գնվել է արգենտինացի Բրունո Սուկուլինին: Այս հիմնադրամը գումարը ստացել է  Moneygrove-ից, որն էլ իր հերթին՝ ստացել է ֆինանսական աջակցություն «Մանչեսթեր Սիթիից»:

Սակայն խաղացողի տեղափոխության ժամանակ «Սիթին» հերքել է ընկերության հետ բոլոր կապերը: «Սիթին» նաև հրաժարվել է մեկնաբանել այս տեղեկությունը:

«Մենք չենք մեկնաբանում կոնտեքստից դուրս բերված նյութերը, որոնք պետք է որ գողացված լինեն City Football Group-ից, «Մանչեսթեր Սիթիի» թիմից և ակումբի հետ կապված մարդկանցից: Ակումբի հեղինակությունը մաքուր է»,- ասված է հայտարարության մեջ:

Անգլիայի ֆուտբոլային ասոցիացիան հայտարարել է, որ իրենք այս հարցում «Սիթիի»  դեմ քննություն են իրականացնում: Քննվելու է նաև Ջեյդան Սանչոյի տեղափոխությունը: Ակնհայտ է, որ ակումբը վճարել է գործակալին այն ժամանակ 14-ամյա խաղացողի փոխանցման համար, ինչն արգելված է:

Ավելի վաղ Football Leaks-ը բացահայտել էր, որ  Ջանի Ինֆանտինոն թույլ չի տվել, որ ՊՍԺ-ն և «Մանչեսթեր Սիթին» դուրս մնան եվրագավաթներից:

2011-2013 թվականններին ՊՍԺ-ն և «Մանչեսթեր Սիթին», որոնց տերը շատ հարուստ շեյխ է՝ Մերձավոր Արևելքից, ունեին լուրջ ֆինանսական խնդիրներ և կարող էին որակազրկվել եվրագավաթներից՝ ֆինանսական ֆեյր-փլեյի կանոնները խախտելու համար:

Այս ընթացքում Ջանի Ինֆանտինոն մի քանի անգամ գաղտնի հանդիպել է ակումբների տիրոջ ներկայացուցիչների հետ, քննարկել է որակազրկումը շրջանցելու տարբերակները, ինչի իրավունքը չուներ:

Սիրարփի Աղաբաբյան