Որոշ մարզերում ջերմաստիճանը կհասնի +23-ի. եղանակի տեսություն

Հանրապետության տարածքում այսօր ցերեկային ժամերին, հոկտեմբերի 9-ին կեսօրից հետո, 10-ի գիշերը առանձին շրջաններում սպասվում է անձրև և ամպրոպ։ Տեղեկությունը հայտնում է ՀՀ ՇՄՆ Հիդրոօդերևութաբանության և մոնիտորինգի կենտրոնը։

«Հոկտեմբերի 8-ին, 9-ի գիշերը, 10-ի ցերեկը և 11-ին սպասվում է առանց տեղումների եղանակ»,–ասվում է հաղորդագրության մեջ:

Հաղորդագրության համաձայն` քամին կլինի հարավարևմտյան՝ 2-5 մ/վ, ամպրոպի ժամանակ սպասվում է քամու ուժգնացում՝ 17-20 մ/վ արագությամբ։

Օդի ջերմաստիճանը էապես չի փոխվի։

Վայոց Ձորի, Արարատի, Սյունիքի, Արմավիրի մարզերում ցերեկային ժամերին կդիտվի +23 աստիճան տաքություն։

Երևան քաղաքում այսօր ցերեկային ժամերին, ինչպես նաև հոկտեմբերի 9-ի երեկոյան, 10-ի գիշերը սպասվում է անձրև և ամպրոպ, ամպրոպի ժամանակ քամու ուժգնացում՝ 15-17 մ/վ արագությամբ։

Հոկտեմբերի 8-ին, 9-ի գիշերը, 10-ի ցերեկը, 11-ին սպասվում է առանց տեղումների եղանակ։