Թուրքիայի ԱԳ նախարարը կոչ է արել Սև ծովում Ռուսաստանի և Ուկրաինայի հարվածների մորատորիում հայտարարել
Թուրքիայի ԱԳ նախարար Հաքան Ֆիդանը Anadolu գործակալությանը տված հարցազրույցում կոչ է արել Ռուսաստանին և Ուկրաինային Սև ծովում հարձակումների «մորատորիում» հայտարարել՝ քաղաքացիական նավերի նկատմամբ մի շարք հարվածներից հետո։
«Հակամարտությունը տարածվել է ամբողջ Սև ծովի վրա», — հայտարարել է Ֆիդանը։
Ըստ նրա, սկզբում հարվածներ էին հասցվում նավահանգիստներին և ռազմական նավերին, սակայն այժմ առանց խտրականության հարձակումների են ենթարկվում նաև առևտրային նավերը։
Ֆիդանը նշել է, որ հարձակումների թիրախ դարձած նավերի թվում եղել են Թուրքիային պատկանող կամ թուրքական դրոշով նավարկող նավեր։
«Առաջին հերթին անհրաժեշտ է մորատորիում մտցնել Սև ծովում հարձակումների վրա», — հայտարարել է Թուրքիայի ԱԳՆ ղեկավարը։
