ԱԺ-ում հերթական պարգևատրումներն են ստացել. ԱԺ նախագահի պաշտոնը լքող Ալեն Սիմոնյանն իր վերջին կարգադրությունն է ստորագրել

ԱԺ նախագահի պաշտոնից հեռացող Ալեն Սիմոնյանը հերթական պարգևատրման վերաբերյալ կարգադրությունն է ստորագրել, որով պարգևատրել է ԱԺ պատգամավորներին, պետական աշխատողներին։

Կարգադրությունում մասնավորապես նշված է. «Ղեկավարվելով «Ազգային ժողովի կանոնակարգ» սահմանադրական օրենքի 5-րդ հոդվածի 2-րդ մասի 12-րդ և 22-րդ կետերով` կարգադրում եմ.

1. Սահմանադրության օրվա առթիվ Ազգային ժողովի  պատգամավորներին, Ազգային ժողովի աշխատակազմի պետական ծառայողներին և աշխատողներին խրախուսել միանվագ դրամական պարգևատրմամբ՝ համաձայն հավելվածների:

2. Ազգային ժողովի աշխատակազմի  ղեկավար-գլխավոր քարտուղար Դավիթ Առաքելյան, Հայաստանի Հանրապետության օրենսդրությամբ սահմանված կարգով ապահովել համապատասխան վճարումների կատարումը»։

ԱԺ նախագահի ստորագրած կարգարդությունը հրապարակվել է խորհրդարանի պաշտոնական կայքում։