Ադրբեջանին զայրացրել է Զախարովայի՝ Փաշինյանի հայտարարությունների վերաբերյալ հարցին ի պատասխան՝ Հեյդար Ալիևի անունը հիշատակելը
Ռուսաստանի արտաքին գործերի նախարարության խոսնակ Մարիա Զախարովայի փորձը՝ առանց որևէ կապ ունենալու քննարկվող թեմայի հետ, ճեպազրույցի ժամանակ ՀՀ վարչապետ Նիկոլ Փաշինյանի կրոնական գործիչների վերաբերյալ հայտարարությունների վերաբերյալ հարցին պատասխանելիս հիշատակել Ադրբեջանի ազգային առաջնորդ Հեյդար Ալիևին. անընդունելի է։ Այս մասին նշել է Ադրբեջանի արտաքին գործերի նախարարության խոսնակ Այհան Հաջիզադեն՝ Մարիա Զախարովայի վերջերս տեղի ունեցած ճեպազրույցի ժամանակ արված հայտարարությունների վերաբերյալ մեկնաբանության մեջ։
Նշվում է, որ Հեյդար Ալիևի անվան նման հղումները անհարգալից են նրա ժառանգության և ադրբեջանական ժողովրդի նկատմամբ։
«Նման հայտարարությունները չեն համապատասխանում պաշտոնական ներկայացուցչից ակնկալվող չափանիշներին։ Դիվանագիտությունը պահանջում է կարգապահություն, ճշգրտություն և պատասխանատվություն, այլ ոչ թե անհիմն հայտարարություններ, որոնք մեծացնում են լարվածությունը և խաթարում վստահությունը։
Մենք սպասում ենք ռուսական կողմից այս հայտարարության վերաբերյալ պարզաբանմանը»։
