Գրոսին հայտնել է, որ Իրանի միջուկային ծրագրի շուրջ կարգավորման համար «քիչ ժամանակ է մնացել»
Ատոմային էներգիայի միջազգային գործակալության (ԱԷՄԳ) գլխավոր տնօրեն Ռաֆայել Գրոսին հայտարարել է, որ շատ ժամանակ չի մնացել Իրանի միջուկային ծրագրի շուրջ ստեղծված իրադրության կարգավորման համար. այս մասին նա ասել է Bloomberg գործակալության հետ զրույցում։
«Քիչ ժամանակ է մնացել, բայց մենք աշխատում ենք ինչ-որ կոնկրետ բանի վրա», – ասել է նա։
Գրոսին նաև հայտնել է, որ Ատոմային էներգիայի միջազգային գործակալությունն ԱՄՆ-ին և Իրանին առաջարկել է միջուկային ծրագրի շուրջ ստեղծված ճգնաժամի կարգավորման մի քանի տարբերակ։
Իրանը և ԱՄՆ-ն փետրվարի 17-ին Ժնևում Օմանի միջնորդությամբ բանակցություններ են անցկացրել Իրանի միջուկային ծրագրի շուրջ։
