Ռոմանոն մեկնաբանել է Կլոպի՝ «Ռեալ Մադրիդը» գլխավորելու մասին լուրերը
Ինսայդեր Ֆաբրիցիո Ռոմանոն խոսել է գերմանացի մարզիչ Յուրգեն Կլոպի՝ «Ռեալ Մադրիդի» գլխավոր մարզչի պաշտոնում հնարավոր նշանակման մասին: Իսպանացի Խաբի Ալոնսոյի հեռանալուց հետո «սերուցքայինների» գլխավոր մարզչի պաշտոնը ստանձնել է նախկին պաշտպան Ալվարո Արբելոան:
«Եթե ինձ հարցնեք, թե ինչ է սպասվում Յուրգեն Կլոպին առաջիկայում, մի մոռացեք, որ նա դեռ շատ զբաղված է «Ռեդ Բուլի» նախագծով։ Նա ամբողջությամբ կենտրոնացած է դրա վրա։ Ինչ վերաբերում է «Ռեալ Մադրիդին», ես անընդհատ կրկնում եմ. եկեք նախ տեսնենք, թե ինչ կլինի Արբելոայի հետ։ Նախ, նա լավ հանդես եկավ Լա Լիգայում, հիմա՝ Չեմպիոնների լիգայի փլեյ-օֆֆ փուլում՝ «Բենֆիկայի» դեմ առաջին խաղում։ Սա առաջին քայլն է:
«Ռեալ Մադրիդի» ղեկավարության մեջ կան մարդիկ, ովքեր շատ բարձր են գնահատում նրան [Կլոպին]: Բայց այս պահին ես ուրիշ ոչինչ չգիտեմ: Ուղիղ բանակցություններ չկան, պաշտոնական առաջարկներ չկան, կոնկրետ քննարկումներ չկան»,- հայտարարել է Ռոմանոն:
