Նիկոլ Փաշինյանի և Ջեյ Դի Վենսի հանդիպումից հետո տեղի է ունեցել փաստաթղթի ստորագրում. կառավարություն
«ՀՀ վարչապետ Նիկոլ Փաշինյանի և ԱՄՆ փոխնախագահ Ջեյ Դի Վենսի հանդիպումից հետո տեղի է ունեցել Հայաստանի Հանրապետության և Ամերիկայի Միացյալ Նահանգների միջև փաստաթղթի ստորագրման արարողությունը»,- տեղեկացնում են Կառավարությունից՝ տեղադրելով լուսանկարներ:
Գործադիրից հավելում են, որ կողմերը ստորագրել են «Միջուկային էներգիայի խաղաղ նպատակներով օգտագործման ոլորտում Հայաստանի Հանրապետության Կառավարության և Ամերիկայի Միացյալ Նահանգների կառավարության միջև համագործակցության մասին» համաձայնագրի բանակցությունների ավարտի վերաբերյալ համատեղ հայտարարությունը։
Այնուհետև Նիկոլ Փաշինյանը և Ջեյմս Դի Վենսը հանդես են եկել հանդիպման արդյունքներն ամփոփող հայտարարություններով։
