Վրաստանում հունվարին գնաճը կազմել է 4.8%

Վրաստանի ազգային վիճակագրական ծառայությունը (Geostat) հրապարակել է 2026 թվականի հունվարի գնաճի հաշվետվությունը, որի համաձայն՝ տարեկան գնաճը նախորդ ամիս աճել է մինչև 4.8%: Սա 0.8 տոկոսային կետով ավելի է դեկտեմբեր ամսվա գնաճից։ Այս մասին գրում է aliq.ge-ն։

Geostat-ի տվյալներով՝ գնաճի վրա ամենամեծ ազդեցությունը շարունակում է ունենալ սննդամթերքի խումբը, որտեղ գները տարեկան աճել են 10.6%-ով, նաև առողջապահության ծախսերը՝ 8.3%-ով, իսկ ռեստորաններում, սրճարաններում և հյուրանոցներում գները տարեկան աճել են 8.1%-ով: Ավելի մանրամասն՝ գնաճն ըստ խմբերի բաշխվում է հետևյալ կերպ.

Սնունդ և ոչ ալկոհոլային խմիչքներ. խմբում գները աճել են 10.6 տոկոսով, ինչը տարեկան գնաճի մեջ արտացոլվել է 3.55 տոկոսային կետով: Գներն աճել են հետևյալ ենթախմբերում՝ ձուկ (20.5 տոկոս), միրգ (16.9 տոկոս), հաց և հացաբուլկեղեն (14.3 տոկոս), շաքար, մուրաբա և այլ հրուշակեղեն (10.2 տոկոս), միս և մսամթերք (9.7 տոկոս), սուրճ, թեյ և կակաո (9.4 տոկոս), բանջարեղեն (8.8 տոկոս), յուղ և ճարպ (8.7 տոկոս), կաթ, պանիր և ձու (8.6 տոկոս), հանքային և աղբյուրի ջուր, ոչ ալկոհոլային խմիչքներ և բնական հյութեր (6.8 տոկոս)։
Առողջապահություն. գներն աճել են 8.3 տոկոսով, ինչը տարեկան գնաճի մակարդակում արտացոլվել է 0.68 տոկոսային կետով։ Գներն աճել են հետևյալ ենթախմբերում՝ հիվանդանոցային ծառայություններ (9.0 տոկոս), բժշկական ապրանքներ, սարքավորումներ և պարագաներ (8.3 տոկոս), ամբուլատոր բժշկական ծառայություններ (7.7 տոկոս)։
Բազմազան ապրանքներ և ծառայություններ. գներն աճել են 7.4 տոկոսով, ինչը ընդհանուր ինդեքսում արտացոլվել է 0.35 տոկոսային կետով։ Գները հիմնականում աճել են ենթախմբերում՝ անձնական իրեր (37.9 տոկոս), ապահովագրություն (8.5 տոկոս), անձնական հիգիենա (4.2 տոկոս)։
Հյուրանոցներ, սրճարաններ և ռեստորաններ. գներն աճել են 8.1 տոկոսով, ինչը արտացոլվել է տարեկան գնաճի մեջ 0.26 տոկոսային կետով։ Գներն աճել են ինչպես գիշերակացի ծառայությունների (10.2 տոկոս), այնպես էլ հանրային սննդի (7.8 տոկոս) գծով։
Ալկոհոլային խմիչքների, ծխախոտի խմբում գներն աճել են 3.5 տոկոսով, ինչը արտացոլվել է ընդհանուր ինդեքսում 0.23 տոկոսային կետով։ Տվյալ ժամանակահատվածում գները հիմնականում աճել են ծխախոտային արտադրանքի ոլորտում (6.6 տոկոս)։