Թաիլանդի բանակը վերահսկողություն է հաստատել Կամբոջային սահմանակից ռազմավարական բարձունքի նկատմամբ
Թաիլանդի բանակը վերահսկողություն է հաստատել 225-րդ ռազմավարական բարձունքի նկատմամբ Կամբոջային սահմանակից Սուրինի նահանգում։ Այդ մասին հայտարարել են Թաիլանդի Ցամաքային ուժերի երկրորդ ռազմական շրջանից։
«Վերահսկողությունը 225-րդ բարձունքի նկատմամբ հաստատվել է։ 2-րդ ռազմական շրջանը շարունակում է ռազմական գործողությունը», – ասվում է տարածված հայտարարության մեջ։
Թաիլանդի զորքերն ավելի վաղ վերահսկողություն են հաստատել 225-րդ բարձունքից ոչ հեռու գտնվող Թա Քվայ հինավուրց տաճարային համալիրի նկատմամբ՝ այդ շրջանից դուրս մղելով կամբոջական ուժերին։
Կամբոջայի և Թաիլանդի սահմանին բախումները վերսկսվել են դեկտեմբերի 7-ին։ Հոկտեմբերին Մալայզիայում ԱՄՆ նախագահ Դոնալդ Թրամփի միջնորդությամբ ձեռք բերված հրադադարի խախտման համար կողմերը մեղադրել են մեկը մյուսին։
