Չինաստանի և ԱՄՆ-ի պատվիրակություններն առևտրային բանակցություններ են անցկացրել Մալայզիայում
Չինաստանի և ԱՄՆ-ի պատվիրակությունները կիրակի օրը կրկին հանդիպել են Մալայզիայի մայրաքաղաք Կուալա Լումպուրում՝ շարունակելու առևտրատնտեսական հարցերով բանակցությունները, հաղորդում է Սինհուա գործակալությունը։
Բանակցությունների առաջին օրը կայացել է շաբաթ օրը։
Չինաստանի առևտրի նախարարության ներկայացուցիչը հայտնել է, որ կողմերը կանցկացնեն խորհրդակցություններ՝ կապված չին-ամերիկյան առևտրատնտեսական հարաբերությունների կարևոր հարցերի հետ՝ ելնելով երկու երկրների ղեկավարների՝ այս տարվա ընթացքում հեռախոսազրույցների ընթացքում ձեռք բերած կարևոր փոխըմբռնումից։
