Իսրայելը հայտնել է Թավրիզում և Քերմանշահում թիրախներ խոցելու մասին
Իսրայելի ռազմաօդային ուժերն առավոտյան գրոհել են Իրանի արևմուտքում գտնվող հրթիռների պահեստների և դրանց արձակման կայանքների վրա։ Այս մասին Telegram-ում հայտնել է Իսրայելի պաշտպանության բանակը (ԻՊԲ):
«Իրանում Թավրիզի և Քերմանշահի շրջաններում ռազմաօդային ուժերի ավելի քան 25 կործանիչ հարվածներ են հասցրել և չեզոքացրել հրթիռների և դրանց արձակման համար ենթակառուցվածքային բաղադրիչների ավելի քան 35 պահեստի», – ասվում է հաղորդագրության մեջ։
Նշվում է, որ հարվածների համար թիրախները հայտնաբերել է Իսրայելի ռազմական հետախուզական վարչությունը։
The Associated Press-ն ավելի վաղ նաև հաղորդել էր, որ իսրայելական օդուժը գիշերը գրոհել է Կասպից ծովի ափին գտնվող իրանական Ռեշտ քաղաքի վրա։ Հաղորդվել է այս շրջանում իրանական հակաօդային պաշտպանության աշխատանքի մասին։
Գործակալության տվյալներով՝ հարվածներից առաջ Իսրայելի զինվորականները տեղի բնակիչներին նախազգուշացրել են հեռու մնալ արդյունաբերական գոտուց, որը գտնվում է Ռեշտի կենտրոնից մի քանի կիլոմետր դեպի հարավ-արևմուտք։
Ավելի վաղ ԻՊԲ-ն հայտնել էր նաև Թեհրանին հարվածներ հասցնելու մասին։ Իրանն իր հերթին հրթիռներով և անօդաչուներով հարվածներ է հասցրել Հայֆայում և Թել Ավիվում գտնվող թիրախների։
