Մարոկկոն կվերաբացի իր դեսպանատունը Սիրիայում
Մարոկկոյի իշխանությունները շաբաթ օրը հայտարարել են, որ կվերաբացեն իրենց դեսպանատունը Դամասկոսում՝ երկրի նախագահ Բաշար Ասադի տապալումից հետո ազդարարելով Սիրիային աջակցության վերսկսման մասին, քանի որ Դամասկոսը նույնանման քայլի մասին է հայտարարել, հաղորդում է AFP-ն։
Մարոկկոյի որոշման մասին հայտարարվել է թագավոր Մուհամմեդ VI-ի՝ Սիրիայի ժամանակավոր նախագահ Ահմեդ ալ-Շարաային ուղղված նամակում, որն ընթերցել է Մարոկկոյի արտաքին գործերի նախարարը Բաղդադում Արաբական պետությունների լիգայի գագաթնաժողովում։
Նամակում ասվում էր, որ Մարոկկոն աջակցում է սիրիացի ժողովրդին «ազատության, անվտանգության և կայունության ձգտման մեջ»։
Սիրիայի արտաքին գործերի նախարարության հայտարարության մեջ ասվում է, որ բարձրաստիճան դիվանագետ Ասաադ աշ-Շայբանին հանդիպել է մարոկկացի գործընկեր Նասեր Բուրիտայի հետ արաբական գագաթնաժողովի շրջանակներում, և որ «երկու կողմերն էլ պայմանավորվել են երկկողմ դիվանագիտական հարաբերություններ հաստատել»։
Սիրիան նաև «կսկսի Ռաբաթում իր դեսպանատան աշխատանքի վերսկսման ընթացակարգերը», ասվում է հայտարարության մեջ։
Ռաբաթը Դամասկոսի հետ դիվանագիտական հարաբերությունները խզել էր 2012 թվականին՝ Սիրիայում անկարգությունների սկսվելուց հետո։
Ասադը տապալվել էր դեկտեմբերին հակակառավարական ուժերի արագընթաց հարձակման հետևանքով։
