«Ստացվում է՝ ցերեկը քրեական ենթամշակույթ չի կարելի քարոզել, գիշերվա ժամերին՝ կարելի է». Տիգրան Հակոբյան
Հեռուստատեսության և ռադիոյի հանձնաժողովի նախագահ Տիգրան Հակոբյանն այսօր ԱԺ կրթության, գիտության, մշակույթի, սպորտի, սփյուռքի ու երիտասարդության հարցերի մշտական հանձնաժողովի նիստում խոսելով քրեական ենթամշակույթի դեմ պայքարի մասին՝ ասաց.
«Երբ նախաձեռնությունը եղավ, մենք մեծ դավթար-նամակ գրեցինք, որ այսպիսի օրենքի ընդունման կարիքը չկա, բայց այն ընդունեցին ու մեր հանձնաժողովի ներկայացուցիչներին նույնիսկ չկանչեցին։ Տեսեք՝ ինչ սխալ ձևակերպում ենք գտել օրենքի մեջ՝ քրեական ենթամշակույթի տարրեր պարունակող ֆիլմերն ու տեսալսողական հաղորդումները կարող են ցուցադրել ժամը 24։00-ից մինչև 06։00-ին։ Այսինքն՝ ստացվում է, որ ցերեկը քրեական ենթամշակույթ չի կարելի քարոզել, իսկ գիշերվա ժամերին կարելի է քարոզել»,-ներկայացնելով Հեռուստատեսության և ռադիոյի հանձնաժողովի տարեկան զեկույցը՝ նշեց նա։
Մանրամասները՝ 168.am-ի տեսանյութում
