Hyundai-ը Թուրքիայում էլեկտրոմոբիլներ կարտադրի
«Hyundai Motor Türkiye»-ն 2026-ին պատրաստվում է էլեկտրական ավտոմեքենաների արտադրությունը սկսել Թուրքիայում, որի համար նախապատրաստական աշխատանքներն արդեն մեկնարկել են։ Այս մասին տեղեկացնում է ermenihaber.am-ը։
Ընկերությունը հայտարարել է, որ արտադրական գործընթացը մեկնարկելու է Թուրքիայի հյուսիսարևմտյան Իզմիթ քաղաքի գործարանում:
«Hyundai»-ի նախագիծը եվրոպական շուկայի պահանջարկին համապատասխան է և նպատակ ունի ամրապնդել ընկերության դիրքերը միջազգային ավտոմոբիլային արդյունաբերությունում։
Նշենք, որ 28 տարվա ընթացքում «Hyundai Motor Türkiye»-ն արտադրել է ավելի քան 3 միլիոն ավտոմեքենա, իսկ նոր մոդելը կխթանի տեղական արտադրության ու մատակարարման ցանցի զարգացմանը:
